1Cor 8 | PONPDN | STEP | A kitail asaer duen mairow on ani mal, pwe kitail karos me lolekow. A lolekow eta kin kaaklapalapiela, a limpok kin kamauiela. wiaw. in. iu

1 Corinthians 8

1 A kitail asaer duen mairow on ani mal, pwe kitail karos me lolekow. A lolekow eta kin kaaklapalapiela, a limpok kin kamauiela. wiaw. in. iu 2 A ma amen aklapalapaki a lolekon, nan a sota non dedeki duen me itar on en asa. 3 A ma amen pok on Kot, nan Kot me mani i. 4 A kitail dedekier duen mana uduk en mairon on ani mal akan, pwe ani mal amen sota katepa nin sappa, o sota amen Kot, pwe I me ta men. 5 Pwe ma akai mia, me adaneki kot, me kin mimi nanlaw de nin sappa, pwe kot toto o monsap toto mia; 6 A atail Kot me ta men, me Sam, me dipisou karos tapi san re a, o me kitail wiaui on. O atail Kaun me ta men: Iesus Kristus, me wiadar meakaros, o me kitail pil wiaui kidar i. 7 A kaidin karos me asa mepukat, pwe akai mia, me lamelame, me ani mal meakot, ap kankan uduk en mairon on ani mal, o iei insen luet arail kin samin kila. 8 A kisin mana sota kin sauasa kitail ren Kot. Ma kitail sota pan mana, kitail sota pan sued kila, a ma kitail pan mana, kitail sota pan mau kila. 9 A kalaka komail, pwe omail saladokalar ender kadipikelekel on me luet akan! 10 Pwe ma koe, me asa tiak, ap manamana nan im en ani mal o, a me luet amen pan kilan om manamana, ap aima kida nan insen a, ap ian manamana mairon en ani mal akan, 11 Iduen ri atail luet amen, me Kristus mata kilar, pan mekila om saladok. 12 A ma iduen omail dip ion ri atail akan, me kin kawela insen luet arail, nan komail kin wia dip ion Kristus. 13 Ari ma kisin mana kamakar ri ai, i solar pan mana uduk kokolata, pwe i de kamakar ri ai.